03.03. Malengo ya msingi
Kusudi la kujenga msingi mbele yako ni nini?
wanaweka nini wanapoujenga msingi leo kwa ajili ya maisha yako ya baadae?
Sababu za kusimamisha msingi mbele yako zipo kadhaa kama:
Kukuzungushia
wigo ili ukitaka kuvuka ukutane na ukuta (mipaka ili
usivuke) yaani vizuizi, vikwazo katika eneo fulani ili uzungukie humo humo
kimaisha na kihuduma. Lengo la kukuwekea ukuta mbele, wigo au uzio ni usione
mbele, uone giza tu, ukate tamaa, urudi nyuma, ujione huwezi, hufai, huna
maana. Ukuta; ni kuziba mahali
unapotakiwa upaone ili usipaone au unapotakiwa kwenda au kuvuka ili usivuke.
Lengo ni uishi au ukae ndani ya eneo hilo hilo au mfumo huo huo ili uendelee
kuona yale yale kama kuonewa, kudharauliwa ugumu n.k.
Kukutafakarisha
au kukufikirisha yaliyo ndani ya msingi uliomo,
ufahamu, akili, fikra, na kuamini hujengwa katika vitu unavyoona, unavyosikia
na unavyoishi. Mfano; ukiishi katika
familia au ukoo uliozungukwa na vifo, magonjwa, kutooa, au kuolewa, ulevi,
kuabudu miungu, na kutopiga hatua kimaisha aidha kielimu au kiuchumi, lazima
huwezi kuona sababu ya kukusukuma kuvuka au kutoona sababu ya kutokutofautisha
na mfumo wa maisha uliokuzunguka na wengine wanaokuzunguka. Mpaka neema ya
Mungu aliye hai ikuzukie au uone nuru ya kukusaidia kuona mbali, kuona tofauti
na hali ilivyo.
Kukujengea mfumo uliopofushwa ndani
yako ili uone na useme kulingana na upofu ulio nao au uliotiwa ndani yake.
Maamuzi juu hali ya maisha ya baadae yanasukumwa na unavyoona, unavyosikia,
unavyofikiri au unavyotafakari kwa kuangalia hali au changamoto zilizopo bila
kujua zimeletwa na nini au chanzo chake ni nini au chimbuko, kiini ili ushughurike
na chanzo au msingi wa tatizo. 2Korintho
4:3, Lakini
ikiwa injili yetu imesitirika, imesitirika kwa hao wanaopotea; ambao ndani yao
mungu wa dunia hii amepofusha fikira zao wasioamini, isiwazukie nuru ya injili
ya utukufu wake Kristo aliye sura yake Mungu.
Kwa hiyo kazi ya damu ya Yesu inaponyunyiziwa katika
misingi inabadilisha na kubatilisha malengo ya misingi ya giza kama wigo na
kuta zinayeyushwa mbele yake, utatafakarishwa na nguvu mpya, roho mpya au uhai
uliomo ndani ya damu ya Yesu, kujengewa msimamo thabiti ndani ya Kristo. Damu
ina Roho ya uhai ndani yake ambayo inapoingia au kuachiliwa mahali ghafla
unaanza kuona ramani mpya ya maisha, picha mpya, uelekeo mpya na neno la Bwana
la kukuvusha ambalo halitarudi bure. Jifunze kuachilia, kunyunyizia na kumwaga
damu ya Yesu aliyehai juu ya msingi wa maisha yako, familia, ukoo na eneo
ulilopo ili kubatilisha kila hila na makusudio yaliyo kinyume na haja ya moyo
wako ndani ya Yesu na mapenzi ya Mungu aliye hai juu ya maisha yako ya baade.
03. 04 asili ya misingi (nature of foundation)
Kila kitu hata msingi una asili yake tokea rohoni,
maana mambo yote asili yake ni rohoni ambavyo hudhihirishwa katika mwili (from
spiritual nature into physical nature) ili viendelezwe kwa namna ya mwilini au
katika ulimwengu wa mwili, yaani tokea visivyoonekana kuwa katika hali ya
vinavyoonekana. Kwa hiyo na masuala ya
misingi yanaanzia katika ulimwengu wa roho.
Ulimwengu wa roho una pande mbili au unajumuisha
falme zote mbili, yaani ufalme wa mbinguni, nuru yaani Mungu aliye hai na milki
zake na malaika wake, pia ufalme wa giza yaani shetani na fahari zake na jeshi
la pepo wabaya, wakuu wa anga na pepo wachafu. Kila ufalme una uwezo wa
kuanzisha mfumo wa maisha au una uwezo wa kuathiri ulimwengu wa mwili kwa
sababu kila ufalme una mamlaka, na nguvu ya kutawala na kumiliki japokuwa ufalme wa mbinguni yaani Mungu aliye hai au
Yesu peke yake ndiye mwenye mamlaka kuu juu ya yote na ndani ya wote na juu
ya vyote. Kwa hiyo, falme zote zinaweza zikaanzisha msingi wake, kama msingi
ukianzishwa na ufalme wa Nuru basi ndio asili yake, na kama ukianzishwa na giza
basi ndio asili yake.
Asili ya msingi unategemea na mwamba wa
eneo, uwezo na nguvu ya mwenye kuujenga. Kwa hiyo tajiri au mwenye nguvu
akijenga lazima atatumie gharama zaidi ili ajenge mwanzo au msingi mzuri ulio
imara (yaani Kristo), lakini maskini anaweza kujenga na usidumu. Kiwango cha
uimara wa msingi wa nguvu ya umiliki na utawala vinatengeneza kesho ya mtu
aidha iliyo imara au mbovu hata wakati na vipindi au hali tofauti za mapito. Luka 6:48, Mfano wake ni mtu ajengaye nyumba, na
kuchimba chini sana, na kuweka msingi juu ya mwamba; na kulipokuja gharika, mto
uliishukia nyumba ile kwa nguvu, usiweze kuitikisa; kwa kuwa imejengwa vizuri.
Misingi mingine imechimbwa chini sana kwa namna
ambavyo si rahisi kuuchimbua kirahisi na kuuondoa wote hadi kuumaliza, mpaka
nguvu ya ziada ya kutosha kuhakikisha unaondoa kila pando ambalo hakulipanda
Mungu aliye hai katika Yesu Kristo. Ukielewa vizuri masuala ya misingi yaani
uzito na mshiko wake ndipo unaweza kuingia gharama zaidi ili kubomoa na kung’oa
msingi huo.
Maombi
ya kuondoa, kung’oa, kuvunja, kuchimbua na kusafisha misingi ya maisha lazima
yawe maombi ya kujitoa, kujidhabihu, ya gharama na muda mrefu ili kuachilia na
kunyunyizia damu ya Yesu taratibu katika misingi yaani shina na mizizi yote
kuikausha na kuondoa ili kila
kilichoshikiliwa kiwe huru au kiachiwe kwa ajili ya maisha ya baadae.
Sio misingi yote inabomolewa, kung’olewa na
kuondolewa kirahisi au kwa mkupuo maana inategemea na uhalali, sababu za
kuwepo, muda uliomaliza, uimara na asili yake hivo lazima uingie gharama fulani ya
kukaa ndani ya kristo Yesu ili umpe nafasi ya kutenda kazi pamoja nawe sawa sawa
na mapenzi yake katika eneo linaloshughulikiwa. Uimara na muda wa
misingi unatofautiana, maana misingi mingine ilijengwa tangu vizazi, pia na
gharama za kujengwa ni tofauti.
Mfano;
mtu akizunguka kwa wachawi au waganga tofauti akitafuta msaada wa kumsaidia-
labda wakati wa kuoa au wa kuolewa, uzao, kusoma, ugonjwa, ajira, au katika
kesi mbalimbali ili ashinde labda kesi ya wizi, uuaji, ardhi n.k. Nguvu za giza
zinafitinika ndani ya mtu huyo au familia kwa namna ambavyo zinatengeneza
msingi imara au mzito au ukuta imara ili kumiliki na kutawala uzao ujao au
maisha ya baadae yanaendelea kuwa ndani ya ufalme wa giza. Kuchomoka na kujinasua katika misingi ya namna hii lazima umwombe Kristo
Yesu aingie na aketi pamoja nawe enzini pake ili uingie katika kazi ya faida. Misingi ya namna hii unaingia kwa
kujifunika damu ya Yesu kwanza na kuanza kuachilia na kunyunyizia damu
inayonena mema, ukombozi taratibu ili kuvunja misingi ya ufalme wa giza
iliyosimikwa mahali.
KUMBUKA
Dhambi (yaani giza au giza ibilisi) inapoingia ndani
ya mtu au familia haianzi kutawala kwanza bali inaanza kula na kutafuna kimya kimya,
inatafuna ndani taratibu, kujenga na kuimarisha ufalme wake yaani kujenga ngome
imara.
Kwahiyo wakati unaomba toba juu ya misingi, akilini
mwako na katika ufahamu wako jua na tambua ya kuwa hauombi juu ya pepo moja au
roho moja iliyokufanya utende dhambi, bali unaomba juu ya mfumo wa kiutawala wa
ufalme ambao umeachilia roho iliyokufanya utende dhambi ili ufalme huo
ujijulishe, ujitambulishe au ujidhihirishe uwepo wake.
Hivyo damu ya kifalme (Yesu aliyehai) inapoanza
kuingia ndani inakuwa inaingia taratibu taratibu na kabla ya kufika ikulu ya
ufalme, serikali au ngome ili kuziondoa, kuvunja, kuharibu na kuondoa uhalali
wake, kuondoa mapando yote, mizizi, ngome na kila namna ya ugiza uliopo.
Mfano;
Ukisoma kitabu cha Isaya 37; utaona mfalme wa Asharu alivyokuwa akijiinua, akijitapa
na kumtukana Mungu wa Israeli, namna ambavyo alikuwa akitoa maneno ya kejeli,
machafu na dharau kwa Mfalme Hezekia aliyekuwa akimtumikia Mungu aliye hai.
Mfalme Hezekia alipokereka na kuudhika kwa sababu ya
kuinuliwa kwa miungu mingine aliamua kujifungia katika chumba cha siri ili kuomba
kwa Mungu aliye hai, na Mungu alipomjibu alisema atafuatilia chanzo cha nguvu (misingi)
inayompa kiburi mfalme wa Ashuru na kujiinua, hivyo atakausha maji ya mito yote
iliyo ndani ya ardhi ili ardhi ya eneo hilo ikauke na kila kilicho hai katika
ardhi hiyo kipoteze uhai, ilikuwa ni ishara katika ulimwengu wa roho wa Mungu
wa Israeli kuachilia nguvu na uweza wake kwenye chanzo au chimuko la nguvu ya
miungu ili kuifukuza na kuiondoa ndani ya eneo ilo.
Mungu
anataka umkaribishe au umwite kwa njia ya maombi ili akaharibu nguvu ya adui
mpaka kule pa siri ilipojificha ili uwe
huru katika maisha yako ndani ya Kristo Yesu.
03.05. Misingi hutengeneza mfumo fulani wa maisha ili uwe sehemu ya maisha ya mtu.
Inakufanya au inakujengea hali fulani kimaisha
ambayo utakubaliana nayo, utaridhika nayo kuutumikia haijalishi mfumo au hali
hyo ni mbaya au nzuri, unaipenda au hauipendi, uko tayari au la!
Mfano wa 01
Kut
3:7-8, Bwana akasema, Hakika
nimeyaona mateso ya watu wangu walioko Misri, nami nimekisikia kilio chao kwa
sababu ya wasimamizi wao; maana nayajua maumivu yao; nami nimeshuka ili
niwaokoe na mikono ya Wamisri, niwapandishe kutoka nchi ile, hata nchi njema,
kisha pana; nchi ijaayo maziwa na asali; hata mahali pa Mkanaani, na Mhiti, na
Mwamori, na Mperizi, na Mhivi, na Myebusi.
Wana wa Israeli waliishi maisha ya
mateso, manyanyaso, taabu, dhiki, shida na vilio vya kila siku walipokuwa
utumwani Misri kwa kiwango cha miili yao kubadilishwa na kufinyangwa mpaka yale mateso kuwa sehemu ya
hali ya maisha yao ya kila siku, kuridhika nayo na kukubaliana nayo na
kuutumikia mfumo wa namna iyo. Lakini licha ya kuteseka na kuumia sana cha
ajabu au jambo la kushangaza, walipokombolewa na Mungu wao kwa mkono wa Musa
kwa ishara na maajabu, bado walipokuwa njiani shida ndogo tu ilikuwa inawafanya
wakumbuke utumwani, wanang¢ang¢ania kurudi
Misri nchi ya mateso, taabu, dhiki, uonevu na vilio. Ni kitu gani kilikuwa
kimewabana kwa kiwango hicho cha kutaka kurudi katika hali ngumu namna hiyo? Ni
kwa sababu misingi ilikuwa imeshatengeneza mfumo wa utumwa, taabu, shida na
mateso kwa kiwango cha kuridhika nayo, kuutumikia na kuuhishi hadi kuwa sehemu
ya maisha yao
Mfano
wa 02.
Luka
15:17-19, 21, Alipozingatia moyoni
mwake, alisema, Ni watumishi wangapi wa baba yangu wanaokula chakula na kusaza,
na mimi hapa ninakufa kwa njaa. Nitaondoka, nitakwenda kwa baba yangu na
kumwambia, Baba, nimekosa juu ya mbingu na mbele yako; sistahili kuitwa mwana
wako tena; nifanye kama mmoja wa watumishi wako. Yule mwana akamwambia, Baba,
nimekosa juu ya mbingu na mbele yako; sistahili kuitwa mwana wako tena.
Fikiria yule
mwana mpotevu aliyevuruga mali aliyopewa na baba yake kama sehemu ya urithi kwa
ajili maisha yake ya baadae alipoitumia vibaya kwa anasa za dunia na mwishowe kurudi
nyumbani, kama angetaka kurudi kula pamoja na mataifa pamoja na nguruwe ingemaanisha nini hiyo hali au
ingeashiria nini? Maana yake kama mwana mpotevu angetamani kurudi tena ili ale
chakula pamoja na nguruwe au mataifa ujue hali hiyo imeshajengeka ndani yake au
ameshafinyangwa na kuwa sehemu ya mfumo huo au ufalme huo wa mateso, dhambi au
mahangaiko hadi kukubaliana nayo, kuridhika nayo na kuwa sehemu ya maisha yake,
na kuutumikia. Mwili wake umeshageuzwa asili yake, umefinyangwa na kubadilishwa
na kuwa mfumo wa kuishi au hali ya kusihi katika maisha yake. Haoni tena
utumwa, dhambi, mateso, magonjwa, taabu na mahangaiko, maana yake anaona hiyo
ndiyo kawaida ya kuishi na yuko kawaida kabisa na maisha ya namna hiyo.
Haleluya!! Haleluya!!, mtu wa Mungu.
Kuna namna ambavyo watu wengi waliookoka hawaoni
faida ya maisha ya wokovu, kuishi maisha na matendo ya wokovu kiasi cha
kutamani kurudi walikotoka, au kuendelea kula mavi ya zamani sababu misingi
ambayo walikuwemo bado imewashikiria, imewakamatilia na iliumbika au ilijijenga
ndani yao licha kwamba wamempokea Kristo lakini bado msingi wa maisha yao uko
vilevile kama wa zamani yaani msingi wa giza, ili kutotamani kurudi kula tena mavi
ya zamani au kutoyarudia matendo ya zamani, kwaiyo lazima kuoshwa ndani ya damu
ya Yesu ili kubadilishwa nia na dhamili za ndani, pia kuamishiwa katika msingi
mpya ndani ya Kristo Yesu.
Mfano
03
Mithari
3:1, Kwa kila jambo kuna majira yake, Na wakati kwa kila kusudi chini
ya mbingu. Kanisa kutembea katika
hali ya mazoea; Mungu hulisha kanisa kulingana na wakati, uhitaji wa roho za watu wake, hali iliyoko, msimu na
majira. Kwa hiyo ni jukumu la waliopewa madhabahu kunyenyekea mbele za Mungu kila
wakati ili kuuliza ni chakula gani Mungu anataka kuachilia kwa muda fulani ili
kulisha kondoo, kusaidia, kuokoa, kuponya na kuhuisha roho na nafsi za kondoo
wake, na sio kufuata kanuni na taratibu za kibinadamu, kikanisa au kidini juu
ya namna fulani kutoa chakula au kulisha kondoo.
Kila wakati una vitu vyake na changamoto zake, njia
za kupita, namna ya kupita, na upako wa kustahimili na kuvuka ambavyo viko kwa
Mungu peke yake, siyo kwa wanadamu. Kanisa lingine linampa Mungu nafasi yake,
heshima na utukufu lakini lingine hupanga , huandaa na kufundisha wanachoona
wao kuwa ni chema ili kanisa lao likue kwa kadiri ya jitihada na mipango yao.
Misingi yote ni mizuri lakini Yesu mwenye chakula na
kanisa akipewa nafasi anayostahili kupewa ndani ya kanisa au madhabahuni ni
faida sana. Chakula kinachoachilia toka jikoni inategemea na walioko wana nini
au nia gani mioyoni mwao juu ya ufalme wa mbinguni. Biblia inasema kuweni na
nia hiyo hiyo kama aliyokuwa nayo Kristo.
Kanisa liko ili kueneza ufalme wa mbinguni, habari
njema, kumtangaza Yesu kama kipaumbele nambari moja, lakini vipaumbele vya
kanisa vimekuwa tofauti sana maana wanaangalia na kujitahidi kufanya
vinavyoonekana na vinavyoharibika.
Kwa hiyo kutubu juu ya misingi kwa kuachilia damu ya
Yesu kunafuta na kuondoa hali ya mazoea au mifumo fulani ambayo inamnyima Mungu
aliye hai nafasi yake kama mmiliki na mtawala wa mfumo ili kuokoa, kuponya, kuendeleza
na kugusa hali ya maisha ya watu wake, kwa kuwapa chakula au ujumbe anaotaka
yeye mwenyewe Mungu aliye hai kuwapa (Ufu 2:16). Haleluya! Haleluya! mtu wa Mungu.
03. 06. Unatoa mwelekeo wa maisha ya baadae aidha ya mtu, familia, ukoo, taasisi au eneo.
Misingi ni mwanzo ulioanzishwa ili uwe
mwendelezo wa kitu kilichokusudiwa. Msingi uliowekwa kwa njia ya agano, sadaka,
laana, au kiapo inakuwa na lengo la kufuatilizia jambo fulani au hali fulani ya
baadae, mwanzo wa mfumo au hali fulani ili kuendeleza, kusimamia au kuruhusu
mwendelezo kwa kadiri ya utaratibu, kanuni, miiko, mipaka au
makubaliano/masharti yaliyowekwa katika kuamuru na kuendesha mfumo husika wa
maisha aidha juu ya mtu, familia, ukoo, kanisa eneo n.k. Ayubu 30:4,6, Hung'oa mboga ya chumvi kwenye kichaka; Na mizizi ya
mretemu ni chakula chao. Lazima hukaa katika mianya ya mabonde, katika mashimo
ya nchi na ya majabali.
Kwanini Mungu aliye hai aliziumba mbingu na nchi? Na
kwanini adui shetani alitafuta mahali ambapo Mungu alipaanzisha? Kwanini
shetani hakutafuta mahali pengine?, Je! Ni kweli hali ya familia, ukoo au
kanisa kwa sasa ni njema? Au la! Na kama sio, kitu gani kiliingia hapo katikati
au njiani kikaharibu hali iliyokuwepo na mwendelezo wake?
Msingi unakutengenezea mazingira ya kukubana,
kukunyima na kukutumikisha na kuachilia kiwango fulani cha uhuru wa maisha ya
mtu katika kupiga hatua za kimaisha. Ayubu
38: 19), Iko wapi njia ya kuyafikia makao ya nuru? Na
giza pia, mahali pake ni wapi?
Maana yake huwezi kupiga hatua
zaidi ya msingi inayokuamuru uhuru wa maisha yako, huwezi kuvuka wigo, kuta,
pazia au uzio zilizokuzunguka mpaka zimevunjwa kwanza
(Yeriko) ndio uweze kuvuka, kuona ngambo, kuangaza, kuchanua na kwenda mbele
zaidi katika mfumo husika au hali ya maisha yako. Zab 4:6, Wengi husema, Nani
atakayetuonyesha mema? Bwana, utuinulie nuru ya uso wako.
Mungu ni Alfa na Omega, mwanzo na
mwisho, kwa hiyo kama yeye ni mwanzo na mwisho, anajua pa kuanzia na namna ya
kuanza na pa kuishia, na Mungu hawezi kutuacha tuteseke, anatoa Nuru ya
kutuongoza kule. Yohana 1:4-9, Ndani yake ndimo ulimokuwa uzima, nao ule uzima ulikuwa
nuru ya watu. Nayo nuru yang'aa gizani, wala giza halikuiweza.
Palitokea mtu, ametumwa kutoka kwa Mungu, jina lake Yohana. Huyo alikuja kwa
ushuhuda, ili aishuhudie ile nuru, wote wapate kuamini kwa yeye. Huyo hakuwa
ile nuru, bali alikuja ili aishuhudie ile nuru. Kulikuwako Nuru halisi, amtiaye
nuru kila mtu, akija katika ulimwengu.
No comments:
Post a Comment